Curly Diary – A True Story

حابة احكي قصتي الصغيرة مع شعري الكيرلي طول عمري بحب شعري بس اوقات بحب اعملو ليس وبالمناسبات وهيك، بحب شعري وعطول كنت استعمل كوندشنر وليف-إن مش اكتر.. هيديك السنة كنت مخطوبة وعرف انو شعري كيرلي، صار يحكيني بطريقة معايرة وانو ما بحب الكيرلي وبتضلي عاملتي ليس لما نتزوج، عطلت هم لان ما بحب حدا يجبرني على شي وانا بحب شعري متل ما هو، سكرت الموضوع وقلتلو مش وقت الحديث.
 رجع بعدين عايرني بنوعية شعري وصار يمنني كأنو عندي نقص عن غيري من البنات وكرهتو وتركتو لعدة اسباب منها هيدي النقطة، الفكرة انو من وقت ما تركتو لهلا صرت بعشق شعري اكتر واكتر ويمكن من سنة لهلا ما عملتو ليس الا ٣ مرات وصرت اهتم فيه اكتر لان هيدا الشي ما حدا خصو فيه، امي كانت معودة لما يكونو جايين رفقاتها بالسهرة او في سهرة وهيك تقلي زبطي شعرك يعني اعملو ليس، صرت قوم اعمل ريفرش وجدد الجل واقعد معن، الفكرة انو الواحد يحب حالو كيف ما كان وما حدا يأثر علينا بقراراتنا الشخصية 
Embrace yourself